Бурулайдын өлүмү. Прокурор 5 милиционердин ар бирин 5 жылга кесүүнү сурады

© Sputnik / Нурис АлымбаевАламүдүн районунун прокурору Бурулай Турдалы кызынын киши колдуу болушуна жол берди делген беш милиция кызматкерин беш жылга кесүүнү жана аларды сот залынан камакка алууну сурады
Аламүдүн районунун прокурору Бурулай Турдалы кызынын киши колдуу болушуна жол берди делген беш милиция кызматкерин беш жылга кесүүнү жана аларды сот залынан камакка алууну сурады - Sputnik Кыргызстан
Жазылуу
Yandex newsTelegram
Сотто Чүй облустук Жол кыймылы коопсуздугун камсыздоо башкармалыгынын эки инспектору жана Жайыл райондук ички иштер бөлүмүнүн үч кызматкеринин иши каралууда.

БИШКЕК, 29-мар. — Sputnik. Аламүдүн районунун прокурору Бурулай Турдалы кызынын киши колдуу болушуна жол берди делген беш милиция кызматкерин беш жылга кесүүнү жана аларды сот залынан камакка алууну сурады.

Соттук процесс Аламүдүн райондук сотунда өтүп жатат. Анда Кылмыш жаза кодексинин 316-беренеси ("Шалаакылык") боюнча айыпталган Чүй облустук Жол кыймылы коопсуздугун камсыздоо башкармалыгынын эки инспектору жана Жайыл райондук ички иштер бөлүмүнүн үч кызматкеринин иши каралууда.

Милиционерлер кармалган Марс Бөдөшевди (20 жылга кесилген) жана анын унаасын тинтүүгө албагандыгы үчүн айыпталууда. Мындан сырткары, тергөөнүн маалыматы боюнча укук коргоочулар кыздын коопсуздугун камсыздай алышкан эмес.

19 жашында жайраган Бурулайдын окуясы кандай болгон. Видеохронология - Sputnik Кыргызстан
19 жашында жайраган Бурулайдын окуясы кандай болгон. Видеохронология
Ал эми экинчи тараптын жактоочулары Чүй облустук Жол кыймылы коопсуздугун камсыздоо башкармалыгынын эки инспекторуна карата козголгон ишти токтотууну өтүнүп жатат. Алардын айтымында, инспекторлордун иши Бурулайдын өлүмүнө алып келген окуяга тиешеси жок.

Эске салсак, 2018-жылы 28-майга караган түндө Кыргызстанда төбө чачты тик тургузган окуя болгон. Ошол түндө 30 жаштагы киши Чүй облусуна караштуу Жайыл районунун ички иштер бөлүмүндө ала качып алган кызын бычактап, кийин өзүнө да кол салган. Бурулай алган жараатынан улам каза болуп, эркек киши ооруканага түшкөн.

20-июнь күнү шектүүнүн баш коргоо чарасы каралып, Бишкектеги №1 тергөө абагына киргизилген. Ал эми 11-декабрда Свердлов райондук сотунун судьясы Санжар Чотонов Марс Бөдөшевдин мүлкүн конфискациялоо менен 20 жылга эркинен ажыраткан.

Жаңылыктар түрмөгү
0