Саматов: арабдар Кыргызстанга келип көк бөрү тартканды үйрөнмөй болду

© Sputnik / Табылды КадырбековБывший президент Федерации кок-бору Жыргалбек Саматов
Бывший президент Федерации кок-бору Жыргалбек Саматов - Sputnik Кыргызстан
Жазылуу
Эр-Рияд шаарында өткөн Сamel Fest фестивалына 50 улакчы барып көргөзмө оюн көрсөтүп келишкен.

БИШКЕК, 29-мар. — Sputnik. Сауд Аравиянын жарандары Кыргызстанга келип чыныгы көк бөрүнү көрүп, улак тартканды үйрөнүшөт. Бул туурасында Sputnik Кыргызстан агенттигине Эл аралык Көк бөрү федерациясынын башкы катчысы Жыргалбек Саматов кабарлады.

Белгилей кетсек, Эр-Рияд шаарында өткөн Сamel Fest фестивалында Кыргызстандан барган 50 улакчы беш командага бөлүнүп, көргөзмө оюн тартуулашкан. Ал жакта көк бөрү талаасы курулуп, тай казан орнотулган.

"Буга чейин эл аралык эреже кандай болсо, ошонун негизинде атайын тай казан орнотуп, текелерди алдыртып оюн өткөрдүк. Башында аттар көнбөй, бир аз кыйынчылык жаратты. Акыры улакчыларыбыз аларды тай казанга келип токтой турган кылып көк бөрүгө даярдап койду. Сауд Аравиянын ат оюндар боюнча федерациясынын президенти менен жолугушуу өткөрүп, аны Кыргызстанга чакырдык. Натыйжада арабдар кыргыздардын чыныгы аттар менен ойногон көк бөрүсүн көрүп, үйрөнө турган болду", — деди Саматов.

Ал ошондой эле башка мамлекеттердин да көк бөрүгө кызыгуусу жаралганын, Бириккен Араб Эмирлигине жана Америкага барып оюн көрсөтүүгө олуттуу чакыруу түшкөнүн айтты. Мындан сырткары, Саматов көк бөрүгө кызыккан тараптарды өз өлкөсүндө Көк бөрү федерациясын түзүүгө сунуш беришкенин кошумчалады.

Жаңылыктар түрмөгү
0