БИШКЕК, 25-мар. — Sputnik. Кыргызстандын экс-биринчи айымы Раиса Атамбаева 24-март күнү уулу Кадыр менен Ташкентке учуп кетти. Соцтармакта тараган маалыматты Кыргызстандын социал-демократиялык партиясынын расмий өкүлү Кундуз Жолдубаева тастыктады.
Анын айтымында, Атамбаеваны Өзбекстандын биринчи айымы Зироатхан Мирзиёева чакырган.
"Экөөнүн мамилеси жакшы. Раиса Атамбаева менен Зироатхан Мирзиёева дайыма байланышып турушат", — деди Жолдубаева.
Атамбаева Кыргызстанга 28-март күнү келмекчи.
