Анда жаш эне жаңы төрөлгөн уулуна эмне себептен аны дароо башка үй-бүлөгө бергенин, мындай чечимге аргасыздан келгенин түшүндүрүп берген.
Айтымында, ал өтө эле жаш куракта кош бойлуу болуп калган. Ал эми сүйүктүүсү (баланын атасы) каза болгон.
"Башка үй-бүлөгө берерде Кененден калган жалгыз мурас экениңди билгем. Бирок кийинчерээк сага сонун ата-эне таап, ал тургай аларды абдан жакшы көрүп калдым", — деп кайрылган энеси уулуна.
Ханна баласын татыктуу тарбиялай, жалгыз бой чоңойто албасына көзү жеткендиктен, ага башка үй-бүлө издей баштаганын да баяндаган.
Бактыга жараша, жаш эне баласынан биротоло ажыраган эмес. Ал уулун багып алган аял менен жакшы мамиле түзүп кеткен.
Эки жылдан бери наристе башка үй-бүлөдө чоңоюуда. Бирок аны жарык дүйнөгө алып келген энеси барып, уулун көрүп турат.
