Кен иштетүүчүлөр: Коопсуздук кеңешинин чечими чыгымга учуратат

Жазылуу
Коопсуздук кеңештин 30-январдагы жыйыны кен байлыктары жаатындагы маселелерге арналган.

БИШКЕК, 19-фев. — Sputnik. Коопсуздук кеңешинин чечими тоо-кен тармагына терс таасирин тийгизиши ыктымал. Мындай пикирин Ишкерлердин эл аралык кеңешинин өкүлү Аскар Сыдыков маалымат жыйында билдирди.

Хайдарканский ртутный комбинат в городе Айдаркен - Sputnik Кыргызстан
Алтын, сурьма, жез, гранит казууга лицензия алган чет элдиктер. Тизме
Аталган кеңеш жана тоо-кен тармагынын өкүлдөрү Коопсуздук кеңешинин 30-январда өткөн жыйыны жана андан кабыл алынган чечимине арналган "Кен байлыктар тармагындагы коопсуздукту камсыздоо боюнча көрүлүп жаткан чаларар жөнүндө" аттуу маалымат жыйынга чогулду.

Сыдыковдун айтымында, чечимде кен байлыктарга лицензия берүүнү автоматташтыруу, инвесторлорго болгон ишенимди арттыруу сыяктуу көптөгөн жакшы демилгелер бар.

"Коопсуздук кеңешинин чечиминде тармактагы бардык салыктарды жогорулатуу тууралуу сөз болууда: кирешеге, лицензияны кармап турууга, бонустарга. Өзгөчө бардык лицензияларды жана мурдагы иштерди текшере турган ыкчам иликтөө тобунун түзүлүшү тынчсыздандырат. Андан башка эле тармакта көптөгөн текшерүүлөр бар", — деди Сыдыков.

Ал ошондой эле чарбалык иштерге чейин кийлигишүү жөнүндөгү сунуш дагы ойго сала турганын кошумчалады.

"Коопсуздук кеңишинин чечими тоо-кен тармагынын токтоп калышына алып келиши ыктымал", — деди Сыдыков.

Тоо-кен тармагынын өкүлдөрү президентке кайрылып, Коопсуздук кеңешинде айтылган маселелерди көзмө-көз кенен талкуулоону суранышты.

Жаңылыктар түрмөгү
0