БИШКЕК, 3-янв. — Sputnik. Кыргыз Республикасынын эл артисти, опера ырчысы Эсенбү Нурманбетова көз жумду. Маалыматты артисттин кесиптештери тастыктады.
Алардын айтымында, Нурманбетова омурткасын сындырып алып көптөн бери ооруп жүргөн. Ал бүгүн, 3-январда, өз үйүндө үзүлгөнү айтылат.
62 жаштагы артист өзүнүн эмгек жолунда "Айчүрөк" (Калыйман), "Манас" (Канайым), "Ажал ордуна" (Зулайка), "Токтогул" (Валентина) операларында роль жараткан. Ошондой эле "Курманбек" (Гүлайым) "Аста секин, колукту!" (Зияда), "Акмөөр" (Акмөөр), "Аршин мал алан" (Асия) спектаклдеринде жана бир катар улуттук, дүйнөлүк чыгармаларда ойногон.
Соңку учурларда Калый Молдобасанов атындагы Кыргыз улуттук консерваториясында тажрыйбасын жаштар менен бөлүшүп, студенттерди окутуп жүргөн.
