БИШКЕК, 26-дек. — Sputnik. Чүй облусунун Сокулук районуна караштуу Жал айылындагы үйлөрдүн биринде өрт чыгып, эркек киши каза болду. Бул тууралуу ӨКМдин маалымат кызматынан билдиришти.
"Өрт өчүрүү кызматына чакыруу 25-декабрь күнү саат 9.56да түшкөн. Жерине барган өрт өчүрүүчүлөр үйдүн ичи күйүп жаткан маалда өчүрүүгө жетишти. Анткен менен эмеректер күйүп кетти", — деп айтылат билдирүүдө.
Өрт учурунда иске ууланган 91 жаштагы жаран көз жумган. Куткаруучулар анын сөөгүн укук коргоо органдарына өткөрүп берди.
