БИШКЕК, 6-дек. — Sputnik. Кара-Суу районунун Каратай айылында Toyota Avensis унаасы менен КамАЗ бетме-бет сүзүшүп, жыйынтыгында бир адам каза тапты. Бул тууралуу Sputnik Кыргызстан агенттигине Ош милициясынан билдиришти.
Кырсык 5-декабрь күнү саат 16.00дө Ош—Сары-Таш унаа жолунун 18-чакырымында болгон.
Ооруканага төрт адам жеткирилип, алардын ичинен 51 жаштагы эркек киши өзүнө келбеген бойдон көз жумду.
Тиешелүү экспертизалар дайындалды.
