Бишкекте сасык тумоо менен ооругандардын саны эки эсе өстү

© Sputnik / Николай Хижняк / Медиабанкка өтүүДарыгер. Архив
Дарыгер. Архив - Sputnik Кыргызстан
Жазылуу
Саламаттык сактоо министрлиги сасык тумоонун күчөшү сезондук көрүнүш экенин маалымдады.

БИШКЕК, 19-ноя. — Sputnik. Бишкекте бир жуманын ичинде сасык тумоо менен ооругандардын саны эки эсеге өстү. Бул тууралуу Sputnik Кыргызстан агенттигинин кабарчысына Оорулардын алдын алуу жана санитардык-эпидемиологиялык көзөмөл боюнча мамлекеттик департаменттин жугуштуу ооруларды көзөмөлдөө бөлүмүнүн башчысы Динара Оторбаева билдирди.

Главврач железнодорожной больницы Мирлан Султаналиев - Sputnik Кыргызстан
Сүннөттөн кийин 5 оору таптакыр жолобойт. Урологдун маеги
Ал белгилегендей, бул сезондук көрүнүш, күндүн суукташы менен ооругандардын саны акырындык менен өсө берет.

Өткөн жумада Кыргызстан боюнча сасык тумоого кабылгандардын саны төрт миңге жеткен, андан мурунку жумада үч миң болчу.

Оторбаеванын маалыматына караганда, өткөн аптада Бишкек боюнча эки миң адам ооруканага кайрылса, мурунку жумасында 1000 киши келген.

Ал эми жыл башынан октябрь айына чейин 160 миң адам сасык тумоо менен ооруканага барган. 2017-жылы ушул эле убакыт аралыгында дарыгерлерге 150 миң киши кайрылган.

"Мындай көрүнүш жыл сайын эле байкалат. Жаңылык эмес. Октябрь айынан тарта бейтаптарга орун калбай, далисте жатып калгандар дагы болот", — деди адис.

Ноябрдын башында Саламаттык сактоо министрлиги жугуштуу оорулар күч алганын кабарлаган.

Жаңылыктар түрмөгү
0