Кыргызстанда 31 билим берүү мекемеси жеке жактарга таандык. Жалпы студенттердин саны 162 миң 900 адамды түзөт. Бул тууралуу Махабат Мамытова Sputnik Кыргызстан радиосунун таңкы эфиринде маек куруп жатып билдирди.
Анын айтымында, ЖОЖдон сырткары өлкөдө 145 орто кесиптик билим берүү окуу жайы бар. Аларда билим алгандардын саны 92 миңге жакын.
"Кыргызстандагы жогорку окуу жайлардын 32си мамлекеттик, 31и жеке менчик макамы бар. Орто кесиптик окуу жайлары боюнча сөз кылсак, алардын жалпы саны — 145, 109у — мамлекеттик, калган 36сы жеке менчик болуп катталган. Буюрса, ал жерден билимдүү, илимдүү, келечектен көптү үмүттөндүргөн келечек муун даярдалып жатат деген үмүттөбүз. Өкмөт дагы жаштарга көңүл бурууну приоритет катары кабылдап жатат. Айта кетсем, 2017-2020-жылдар аралыгында жаштар менен иштөөнү өнүктүрүү боюнча өкмөттүн токтому бар. Учурда бул боюнча иштер жүргүзүлүүдө", — деди Мамытова.
Ал учурда бюджеттик негизде билим алган студенттердин бир айлык стипендиясы миң сомдун тегерегинде экенин кошумчалады.
