Казакстандагы Маңгыс-Тоо облусунун акиминин орун басары Серик Амангалиев пара алып жатканда кармалганын Sputnik Казакстан маалымат агенттиги жазып чыкты.
Аткаминер 3-ноябрда кармалган.
Мамлекеттик кызмат жана жемкорлукка каршы күрөшүү агенттигинин өкүлү Жанна Бастарованын айтымында, Амангалиев курулуш компаниянын 4,5 миллард теңге турган инвестордук долбоорун калкалоо, көз салып туруу максатында 115 миң евро пара алган. Долбоор мамлекеттик жана жеке өнөктөштүктүн алкагында ишке ашмак. Маалыматта бул сумма макулдашылган 400 миң евронун бир бөлүгү экендиги айтылат.
Актаунун адистештирилген соту Амангалиевди камакка алган.
