БИШКЕК, 18-окт. — Sputnik. Кыргызстанда ушул жуманын аягында күн жылый турганын Кыргызгидромет маалымдады.
19-октябрда түнкүсүн жаан жаабайт. Ал эми күндүз Ысык-Көл, Нарын облустары менен Чүй, Талас, Жалал-Абад облустарынын тоо этектеринде кар, калган аймактарында жаан-чачын жаайт.
20-октябрда түнкүсүн Ысык-Көл, Нарын облустарынын кээ бир аймактарында, Чүй, Талас облустарынын тоолуу аймактары менен тоо этектеринде кар жаап, калган бөлүгүндө жаан-чачын күтүлбөйт. Күндүз Ысык-Көлдүн чыгыш тарабына кар жаап, калган аймактарында күн ачык болот.
21-23-октябрда жаан-чачын күтүлбөйт. 24-октябрда болсо тоолуу аймактарга кар түшөт. Ал эми 25-октябрда жаан-чачын күтүлбөйт.
