БИШКЕК, 8-окт. — Sputnik. Кыргызстандын мурдагы вице-премьер-министри Тайырбек Сарпашевге козголгон кылмыш иши жандандырылды. Бул тууралуу Sputnik Кыргызстан агенттигине Башкы прокуратурадан билдиришти.
19-сентябрда Башкы прокуратура былтыр УКМКнын тергөөчүсүнүн кылмыш ишин токтотуу тууралуу чечимин жокко чыгарды. Эми ишти Экономикалык кылмыштуулукка каршы күрөшүү мамлекеттик кызматы иликтейт.
"Сарпашев жана Мамлекеттик каттоо кызматынын бир нече кызматкери Кылмыш кодексинин 304-беренеси "Кызмат абалынан кыянаттык менен пайдалануу" беренеси боюнча шектелүүдө", — деп айтылат маалыматта.
Прокутаруранын версиясы боюнча 2013-жылы 28-мартта Мамлекеттик каттоо кызматы элдин жарандык абалын аныктай турчу бланк үчүн тендер өткөргөн. Ага эки компания катышкан, бирок Сарпашев утулуп калган компаниядан бланкаларды алууну буюрганын башкы көзөмөл органдан маалымдашты.
