БИШКЕК, 28-сен. — Sputnik. Президент Сооронбай Жээнбеков Тажикстандын борбору Душанбе шаарында өтүп жаткан Көз карандысыз Мамлекеттер Шериктештигинин мамлекет башчыларынын кеңешинин жыйынына катышып жатат. Бул тууралуу өлкө башчысынын маалымат кызматы билдирди.
Жыйында өз ара аракеттенишүү тууралуу пикир алмашуу болду. КМШга төрагалык жүргүзүү жана Көз карандысыз Мамлекеттер Шериктештигинин мамлекет башчыларынын Кеңешинин кезектеги жыйынын өткөрүү тууралуу маселелер каралды.
КМШ мамлекет башчыларынын кеңешинин саммитине Кыргызстандын президенти Сооронбай Жээнбеков, Азербайжандын президенти Ильхам Алиев, Белоруссиянын президенти Александр Лукашенко, Казакстандын президенти Нурсултан Назарбаев, Молдованын президенти Игорь Додон, Россиянын президенти Владимир Путин, Тажикстандын башчысы Эмомали Рахмон, Өзбекстандын президенти Шавкат Мирзиёев, ошондой эле Армениянын премьер-министри Никола Пашинян жана Түркмөнстандын Министрлер кабинетинин төрагасынын орун басары Пурли Агамурадов катышууда.
