БИШКЕК, 27-сен. — Sputnik. Юстиция министрлиги өзгөчө комбинациядагы номерлерди кайра каттоону жеңилдетүүнү сунуштап жатат. Бул долбоор коомдук талкууга коюлганы тууралуу ведомствонун сайтында жазылды.
Шарт боюнча "крутой" номердин сертификатын алган жаран өзү жашаган аймактагы Транспортту жана айдоочулук күбөлүктү каттоо департаментине барып, документти көрсөткөндөн кийин гана номерди алат.
"Кээде сертификат алгандар аны сатып же бирөөгө белек кылган учурлар болот. Андайда тараптар нотариуска барып, сертификат берилгендиги боюнча документ даярдатышат. Ошондон кийин гана жаңы кожоюн номерди алып өзүнө каттата (кайра каттатуу — ред.) алат", — дешти министрликтен.
Министрликтен билдиришкендей, бул жарандардын убактысын жана акчасын үнөмдөйт. Анткени тараптар нотариуска барып, мамлекеттик пошлинаны төлөп отурбай эле, Мамкаттоодон алган маалымкат (саткандыгы же белекке бергендиги боюнча — ред.) менен ишти бүтүрөт.
