БИШКЕК, 26-сен. — Sputnik. Бейшемби күнү республиканын тоолуу райондорунда жаан жаап, күн күркүрөшү күтүлөт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет маалымдады.
Чүй менен Талас өрөөндөрүндө +23…+28 градус, Ош, Жалал-Абад жана Баткен облустарында +20…+25, Ысык-Көл облусунда жана Нарын аймагында +18…+22 градус жылуу болот.
Ал эми Бишкек жана Ош шаарларында жаан себелеши мүмкүн. Абанын температурасы Бишкекте +20…+22, ордолуу Ош шаарында +24…+26 градус болору айтылды.
