Жаңы мечиттеги азандын үнүнө нааразы болгондор бар. Муфтияттын жообу

Жазылуу
Айрым калаа тургундары жаңы мечиттеги азандын үнү катуу экенин жазып чыгышты.

БИШКЕК, 5-сен. — Sputnik. Бишкек шаарынын тургундары Sputnik Кыргызстан агенттигинин Telegram каналы аркылуу Жибек Жолу көчөсүндө салынган жаңы мечиттеги азан өтө эле катуу чыгып жатканын жазды. 

Бул маселе боюнча Кыргызстан мусулмандарынын дин башкармалыгына (КМДБ) кайрылганыбызда жарандардан эч кандай кайрылуу болбогонун билдирди.

"Муфтиятка калаа тургундарынан эч кандай кайрылуу түшкөн жок", — дешти муфтияттан.

КМДБнын маалымат кызматы социалдык тармактарда ушундай билдирүү тарап жатканын белгилеп, бул боюнча чаралар көрүлөрүн кошумчалады.

Визит спикера ЖК Дастанбека Джумабекова новой мечети в Бишкеке - Sputnik Кыргызстан
Эрдоган менен Жээнбеков Бишкектеги жаңы мечиттин ачылышына келди. Видео
Эске салсак, Бишкектеги имам Аль Сарахсий атындагы республикалык мечит быйыл 2-сентябрда Түркиянын президенти Режеп Тайип Эрдоган менен КР башчысы Сооронбай Жээнбековдун катышуусунда ачылган

Аталган мечиттин курулушу 2012-жылы башталып, Түркиянын "Дианет" фондусу 25 миллион доллар бөлгөн. Мечит Осмон империясынын архитектурасы боюнча салынып, төрт мунаралуу келип, ар биринин узундугу 70 метрди түзөт.

Жаңы мечиттин үстү жабылган жерде 8 миңге чейин киши жаанда, карда калбай бир убакытта намаз окуй алат. Ал эми жаан-жачын болбосо 20 миңге дейре киши батат.

Жаңылыктар түрмөгү
0