Светлана төрт жашында кийиминен чыгып калган жипти күйгүзүп коеюн деген. Мындайды апасынан көргөн. Бирок капысынан от жалындап кетип кыздын жарым денеси күйүп калган. Ал кийин ооруканада эки ай комада жаткан. Эгер анын апасы донор болгондо дарыгерлер кыздын терисин сактап калмак. Бирок аял ичимдикке берилгендиктен кызы менен иши да жок болчу.
Катуу жабыркаган наристе сүйлөй да, баса да албай калган. Ал өзүнүн терисин жаныбарлардыкына окшоштурат. Тогуз жашка чыкканда балдар үйүнө жиберилген. Өзүнүн айтымында, бала чагы оор өтүп, психологиялык жактан да жабыркаган.
Канча бир убакыт өткөндөн кийин бийкеч сүйүктүүсүнө жолуккан. Өзүнүн айтымында, жигити аны колдогон алгачкы адамдардын бири.
"Айланаңдагы адамдар сени кабыл албай басым жасап жатканы алардыкы туура дегендик эмес. Бардыгы башкача болушу мүмкүн. Башкысы өзүңө ишенип, жеңилбеш керек", — деди Светлана.
Учурда ал 18 жашта, социалдык роликтерге тартылып, жашоонун оор сыноосуна тушуккан өспүрүмдөргө жардам берип келет.
