АВАЗА, 24-авг. — Sputnik. Түркмөнстандын Аваза шаарында Аралды сактоо фондусун негиздеген мамлекет башчыларынын саммити башталды. Ага Кыргызстандын президенти Сооронбай Жээнбеков ардактуу конок катары катышууда.
Аталган жыйындын алкагында Борбор Азия мамлекет башчыларынын бирдиктүү билдирүү жасоосу каралган.
Аталган программанын негизги максаты элдин жашоосун жакшыртуу, экологиялык жана социалдык-экономикалык маселелерде кызматташууну жандантуу, суу ресурстарын сарамжалдуу пайдалануу жана Борбор Азия мамлекеттерин климаттын өзгөрүшүнө ыңгайлаштыруу болуп саналат.
Аралды сактоо эл аралык фонду 1993-жылы 4-январда Казакстан, Кыргызстан, Тажикстан, Түркмөнстан жана Өзбекстандын президенттеринин чечими менен түзүлгөн. Фонд 2008-жылдын декабрынан тарта БУУнун Башкы ассамблеясында байкоочу статусуна ээ болгон. Кыргызстан аймактагы айрым мамлекеттердин кызыкчылыгы эске алынбай, кыргыз тарап сунуштаган реформалар ишке ашпай жатат деген жүйө менен 2009-жылы фондунун ишине мүчө катары катышпай турганын айтып, 2016-жылы аны токтотуп койгон.
Аралды сактоо эл аралык фондусуна Түркмөнстан 2017-2019-жылдары төрагалык кылат.
