БИШКЕК, 10-авг. — Sputnik. АКШнын биринчи айымы Меланья Трамптын ата-энеси, Словенияда жашаган Виктор менен Амалия Кнавс Американын жарандыгын алды. Бул туурасында NBC телеканалынын журналисти Келли О'Доннелл Twitter баракчасына жазган.
The “first in-laws,” Melania Trump’s parents are now naturalized US citizens. They took the oath today in New York. Their lawyer said the Knavs had no special treatment for completing the required steps. WH declined comment.
— Kelly O'Donnell (@KellyO) August 9, 2018
Кнавстардын жактоочусу Майкл Уилдс февраль айында АКШнын азыркы президентинин жубайынын ата-энеси АКШнын туруктуу жашоочусу деген макам (Жашыл карттын жардамы менен) алганын билдирген. Бул кабардан кийин Дональд Трамптын дарегине сын-пикирлер жамгырдай жаады. Учурда мыйзамдуу иммигранттарга аталган өлкөгө туугандарын, ата-энесин, бала-чакасын, күйөөсүн же аялын чакырууга укук берилген. Бул укуктан Меланья Трамп да пайдаланган.
"Анын (АКШ президентинин – ред.) аялынын туугандары, Меланья Трамптын ата-энеси эми АКШнын жараны болуп калды. Бүгүн алар Нью-Йоркто ант беришти", — деп жазды О'Доннелл.
Анын айтымында, Ак үй кандайдыр бир комментарий жасоодон баш тарткан.
