БИШКЕК, 10-авг. — Sputnik. Акыркы эки күндө доллардын баасы жогорулап жатканы байкалат. Мындай маалымат valuta.kg сайтынна жарыяланган.
8-августтан тарта рубль арзандай баштады. 2016-жылдан бери Россияда доллар биринчи жолу 66 рублге чыгып кетти.
Кыргызстанда да чет элдик валютанын кымбаттай баштаганын көрүүгө болот. 8-августтан бери 68.25 сомдон сатылып жаткан доллардын баасы 37 тыйынга жогорулап кетти, ал эми сатып алуу 68.07 тыйындан 29 тыйынга көтөрүлө түштү.
Акча алмаштыруу бюролор ассоциациясынын жетекчиси Чыңгыз Бийлибаев шаршембиден тарта доллар кымбаттай баштаганын, баасы орточо эсеп менен 30 тыйынга жогорулаганын тастыктады. Анын айтымында, чет элдик валютанын наркы мындан ары да жогорулай бермекчи. Качан токтой турганы Россия менен Казакстандагы кырдаалга байланыштуу болот.
