Колорадо штатынын Жефферсон аймагында (АКШ) адаттан тыш окуя болду. Жолдун четине токтотулуп, эшиги ачык калган автоунаанын салонуна аюу кирип кеткен. Бул туурасында Sputnik Казакстан агенттиги жазды.
Ал банандын жытын сезип калып машинанын ичине кирүүгө ашыккан. Ал жерден бананды таап тоё жегенден кийин, жатып уктап калган.
Айдоочунун чакыруусу менен келген полиция унаанын эшигин жип менен алыстан тартып ачып, аюуну чыгарган. Видеодон салондогу буюмдар талкаланып, отургучтардын тытылганын көрүүгө болот.
Жергиликтүү полициянын маалыматы боюнча аталган аймакта мындай окуялар көп кездешет.
