БИШКЕК, 4-авг. — Sputnik. Токмоктун жанындагы кафеде жылан эки баланы чагып алды деген маалымат чындыкка дал келбейт. Аны төгүнгө чыгарган видео YouTube каналына ушул жылдын июль айынын ортосунда жарыяланган.
Жакынкы күндөрү Кыргызстандын айрым маалымат булактары жана социалдык тармактын колдонуучулары жээкте күбө тарткан видеону бөлүшө баштаган. Анда эл суудан эсин жоготкон эки баланы жээкке алып чыгып жатканын көрүүгө болот. Колдонуучулар бул Кыргызстанда болгонун жана аларды жылан чагып алганын божомолдоп жазышкан.
Чындыгында бул окуя ушул жылдын 16-июлунда Казакстандын Тараз шаарындагы Зербулак көлүндө катталган. Казакстандык ЖМК өкүлдөрүнүн айтымында, бала эжесин жоготуп алып сууга секирип кеткен. Бул учурда куткаруучулар чөгүп бараткан кызды араң алып калып, инисинин чөгүп баратканын эч ким байкабай калган. Кыз аман-эсен куткарылып, 12 жаштагы бала каза болуп калган.
