Чек арачы болуу – өтө жооптуу жана ардактуу кесип. Ар бир эле жаранга мамлекеттин коопсуздугун сактоо милдети жүктөлө бербейт. Бул тууралуу Куватбек Жээнбаев Sputnik Кыргызстан радиосунун "Ачык кеп" программасында маек куруп жатып билдирди.
Анын айтымында, чек арачы болуу үчүн бир нече талаптарга жооп берүү керек.
"Чек арачы болуу жоопкерчиликтүү, ардактуу кесип. Анткени ар бир эле жаран мамлекеттин чек арасында курал көтөрүп, мекенин коргоп жүрө албайт. Ал жерге иштеш үчүн сөзсүз аскердик окуудан өтүш керек. Билими, тарбиясы жакшы, тиешелүү сынактардан өткөн, медициналык, психологиялык талаптарга жооп берген адам гана чек арачы болуп иштегенге мүмкүнчүлүк алат", — деди Жээнбаев.
Полковник чек арачы болом деген жаштар аскердик окуу жайга 18-23 жаштан тарта тапшыра ала турганын кошумчалады.
