БИШКЕК, 11-июл. — Sputnik. Бейшембиге караган түнү Россияда өтүп жаткан футбол боюнча дүйнө чемпионатынын жарым финалында Англия менен Хорватия беттешет.
Оюн Бишкек убактысы менен түнкү саат 12.00дө башталып, Москва шаарында "Лужники" стадионунда өтөт.
Кечээ түнү биринчи жарым финалдык беттеш өтүп, Франция 1:0 эсебинде Бельгияны утуп алган..
Англия Швеция командасын 2:0 эсеби менен утуп, жарым финалга чыкса, Хорватиянын футболчулары Россияны (2:2) пенальтинин негизинде 4:3 эсеби менен жеңип алган.
