Бул 11 өлкөгө быйыл жайда барбай эле койгонуңуз оң. Эксперттер себебин айтышты

© REUTERS / STRINGERАномальная жара в Австралии
Аномальная жара в Австралии - Sputnik Кыргызстан
Жазылуу
Yandex newsTelegram
Рейтингди түзүүдө негизинен үч факторго басым жасалган.

БИШКЕК, 27-июн. — Sputnik. Авиабилеттерди, мейманканаларды издеп жана автонунааларды прокатка берген Skyscanner сайтынын эксперттери курорттук багыттагы өлкөлөрдү иликтеп чыгып, жайында эс алуу сунушталбай турган мамлекеттерди аныктады.

Рейтингди түзүүдө негизинен үч факторго басым жасалган. Тейлөө сапатына таасирин тийгизе турган — аба, суу, жамгыр жана башка табияттын кубулуштары, ал тургай эс алуучулардын саны эске алынган. Аягында эксперттер барып эс алууга барбай эле койгон оң деген аймактарды — Кариб бассейнинен тарта Азиянын түштүк-чыгышына чейинки 11 өлкөнү тизмектеп чыккан.

Аптаптуу, куйкалаган ысыктан улам жайында Бириккен Араб Эмирлигине, Иордания жана Египетке (бул учурда абанын табы +49 градуска жетип, деңиз ысып чыгат) барууга болбойт. Индияда июль менен августта көз ачырбай жамгыр төгүп турат, борбордук жолдорду суу жууп, каттамдар бир топ кооптуулукту жана көйгөй жаратат. Эгерде бул мезгилдери аталган аймак тарапка барам деп чечсеңиз, өлкөнүн түндүгүнө, Гималайга барууга болот.

Жети облустун каалаган жерине сапар алыңыз - Sputnik Кыргызстан
Эки жакка чыгып эс алабыз. Тандаңыз. Жети облустун каалаган жерине сапар алыңыз
Мындан сырткары, Таиланддын негизги делген Пхукет, Чанге жана Краби сыяктуу негизги курортторунда, андан сырткары, Филиппинде (тайфундар көп болуп турат) нөшөрлөгөн жамгырга кабылуу ыктымалдыгы бар. Кубада августтун соңунда урагандардын кооптуулугу күчөйт. Сезон учурунда катуу толкун болуп, шамалдын ылдымдыгы саатына 60 чакырымга жетип, көз ачырбаган бороонго айланып кетет.

Сейшел деңизинде июндан августка чейин шамалдан улам тынч болбойт. Түркияга жайдын башталышында барбай эле коюңуз. Орозонун аякташы менен ички туризм активдешет. Июлдун аягында, августтун башында Испания элинин жарымына жакыны эс алууга кетет, андыктан аталган өлкөнүн пляждарында бут коюуга жер болбойт. Баалар асманга чыгат.

Италияда 15-августта Феррагосто майрамына эл көп чогулат. Ири шаарлардагы ресторандар менен дүкөндөр жабылып, ал эми пляжда эл жыкжыйма болот.

Жаңылыктар түрмөгү
0