БИШКЕК, 21-май — Sputnik. Ош, Жалал-Абад, Баткен, Ысык-Көл, Нарын облустарынын көпчүлүк аймактарында 22-23-май күндөрү жаан жаап, күн күркүрөшү, бийик тоолуу аймактарда кар жаашы күтүлөт. Бул тууралуу ӨКМден маалымдашты.
Билдирмеге караганда, Ош, Жалал-Абад, Баткен облустарынын дыйканчылык аймактарында жаан катуу жаайт.
Мындай туруксуз аба ырайы айыл чарба иштерин, автоунаа, энергетика жана коммуналдык кызматтардын ишин, ошондой эле жайыттарда малды кармоону кыйындатат.
21-23-майларда күтүлүп жаткан нөшөрлүү жаан-чачындан улам Ош, Жалал-Абад жана Баткен облустарынын тоолуу жана тоо этектериндеги аймактарында сел жүрүшү мүмкүн.
