БИШКЕК, 16-май — Sputnik. Бишкек ШИИБинин кызматкерлери төшөк кызматын көрсөткөн сойкукананы аныкташты. Бул тууралуу шаардык милициядан билдиришти.
Буга чейин милицияга 25-30 жаш чамасындагы келин сойкукана уюштурганы тууралуу маалымат келип түшкөн.
Укук коргоочулар Кылмыш жаза кодексинин 261-беренеси (Сойкукана уюштуруу) боюнча кылмыш ишин козгоп, "мейманкананы" тинтүүгө алышкан. Натыйжада сойкукананы уюштурууга шектелип 25 жаштагы келин колго түшүрүлгөн.
Ошондой эле төшөк кызматын көрсөткөн 19, 22 жана 23 жаштагы кыздар дагы кармалган.
25 жаштагы шектүү ШИИБдин убактылуу кармоочу жайына киргизилди. Тергөө амалдары уланууда.
