БИШКЕК, 14-май — Sputnik. Ташкентте биринчи жолу Жол кайгуул кызматында эки кыз сынамык иретинде иштеп баштады. Бул тууралуу Sputnik Өзбекстан маалымат агенттиги жазды.
"Кыздар азырынча Ташкенттин борбордук вокзалында жана Ислам Каримов атындагы эл аралык аэропортто иштеп жатат. Эгер мындай тажрыйба жакшы жыйынтык берсе кыздар шаардын көчөлөрүнө чыга башташат", — деп айтылат маалыматта.
Учурда инспектор кыздар кесиптештеринен жол чырак иштебей калганда кыймылды кантип жөнгө салуу керектигин үйрөнүп жатышат.
