БИШКЕК, 12-май — Spuntik. Премьер-министр Мухаммедкалый Абылгазиев Эл аралык валюта фондусунун (ЭВФ) Башкаруучу директорунун орун басары Тао Чжан менен жолукканда, ал ЭВФтин КРдеги өкүлчүлүгүнүн жаңы жетекчилигине жардам көрсөтүүнү суранды. Бул туурасында өкмөттүн маалымат кызматынан кабарлашты.
Абылгазиев менен Тао Чжан эки тараптуу кызматташуу туурасында сүйлөшкөн.
Тао Чжан өлкө калкынын жашоо деңгээлин жакшыртууга багытталган программаларды, долбоорлорду иштетүүдө Кыргызстанга мындан ары да колдоого даярдык билдирип, премьерге бир өтүнүч менен кайрылган.
"Биз тараптан ЭВФтин республикадагы (Кыргызстандагы — ред.) өкүлчүлүгүнүн жакынкы убактарда ишке киришүүчү жаңы жетекчилигине жардам көрсөтүүнү суранып кетет элек. Кыргызстан эки жактуу алакаларды бекемдөөнү ниеттенген стратегиялык өнөктөш болуп саналат", — деген ал.
Республика 1992-жылдын 8-майынан тарта ЭВФтин Уставдык келишиминин статьяларына кол койгондон кийин Эл аралык валюта фондусуна мүчө болгон.
2018-жылдын 11-апрелинде Эл аралык валюта фондусунун директор орун басары Тао Чжан сом дүйнөлүк кризисте ийкемдүүлүгүн көрсөткөнүн айткан.
