Сүрөтчү жигит шамал учурган туунун ордуна башкасын түнү бою кармап турду. Видео

Жазылуу
Шейшемби күнү кечинде шамал учуруп кеткен башкы туунун ордуна сүрөтчү Азамат Жаналиев үйүнөн алып келген желекти таң аткыча көтөрүп турду. Бул тууралуу Айкүр федерациянын жетекчиси Максат Чакиев өзүнүн Facebook тармагындагы баракчасына жарыялады.

Белгилей кетсек, кеээ кечинде Бишкекте ылдамдыгы 17-22 метрге жеткен шамал болуп, "Ала-Тоо" аянтындагы башкы тууну учуруп кеткен.

Азамат Жаналиев өзү социалдык тармакка жазганына караганда, ал башкы туунун жок экенин көрүп туруп, үйүндө жөн жата алган эмес.

"Үйдө тынч жата албай койдум. Желек таап келип сыймыктануу менен борбордун борборунда турам. Чоң желек келгенче күтөм", — деген ал.

Айтмакчы, түшүп калган жетекти ошол маалда аянтта жүргөн балдар дароо чогулта салып, милицияга өткөрүп берген.

Жаңылыктар түрмөгү
0
Алгач жаңыларыАлгач эскилери
loader