БИШКЕК, 23-апр. — Sputnik. Премьер-министр Мухаммедкалый Абылгазиев өкмөт мүчөлөрү менен кеңешме өткөрүп, вице-премьерлердин милдетин аныктады. Бул тууралуу өкмөттүн маалымат кызматы кабарлады.
23 Чын Куран 2018, 19:10
Билдирүүгө ылайык, биринчи вице-премьер Кубатбек Боронов инвестиция, агроөнөр жай комплекси, реалдуу сектор жана аймактарды өнүктүрүү тармагын тескейт.
Вице-премьер Жеңиш Разаков укук коргоо органдарынын ишин, чек ара, өзгөчө кырдаалдар маселелерин, ЕАЭБ жана КМШ алкагындагы интеграция жаатын колго алмакчы.
Дагы бир вице-премьер Алтынай Өмүрбекова социалдык блок үчүн жооп бермей болду. Ал эми премьердин төртүнчү орун басары Замирбек Аскаров финансы-экономикалык маселелер менен фискалдык саясатты көзөмөлдөйт.
