БИШКЕК, 19-апр. — Sputnik. Премьер-министрдин милдетин аткаруучу Сапар Исаков саясаттан кетпей турганын бирок ошол эле учурда министр катары кайтып келбестигин "Апрель" телеканалында сүйлөп жатып билдирди.
Ал өзүнүн позициясынан тайбаган саясатчы болорун белгилеп өттү.
"Мен саясаттан кетпейм, бирок министр да болбойм. Себеби премьер-министр болуп туруп иштин масштабын көрүп калдым. Бул амбиция эмес. Балким убакыт өткөндөн кийин өзүмө келип, бардыгы башкача болор. Бирок мен өз позициямды өзгөртө бербейм", — деди Исаков.
Ал ошондой эле кандай саясатчы болгусу келерин да айтты.
Ал ошондой эле жарандар чыныгы картинаны көрүп, ар бир саясатчыга сүрөттөмө берип калганы кубандырып жатканын кошумчалады.
Бүгүн, 19-апрелде, парламент Исаков башында турган өкмөткө ишеним көрсөтпөө боюнча чечим кабыл алып, президент Сооронбай Жээнбеков отставкага кетирүү боюнча Жарлыкка кол койду.
