БИШКЕК, 13-апр. — Sputnik. Ишемби, 14-апрелде, өлкө аймагында жаан-чачын болбойт. Түштүк-чыгыштан соккон шамалдын ылдамдыгы секундасына 5-10 метрден, Чүй өрөөнүндө 15-20 метрге чейин жетиши мүмкүн. Ал эми жекшемби, 15-апрелде, дагы күн ачык болуп, батыштан соккон шамалдын ылдамдыгы секундасына 4-9 метрге чейин жетет. Бул тууралуу Кыргызгидромет билдирди.
Ага ылайык, 14-апрелде Чүйдө түндө 6…11 градус жылуу болуп, күндүз 22…27 градуска чейин ысыйт.
Таласта түнкүсүн 2…7 градус жылуу, күндүз күндүн табы 19…24 градуска чейин көтөрүлөт.
Ош, Жалал-Абад, Баткен облустарынын дыйканчылык аймактарында түндө 7…12 градуска, күндүз 22…27 градуска чейин жогорулайт.
Ысык-Көлдө түнкүсүн 0…5 градуска дейре жылып, күндүз күндүн табы 12…17 градуска жетет.
Нарында ишембинин түнүндө 2 градус сууктан 3 градуска чейин жылуу болот. Ал эми күндүз 14…19 градуска чейин жылыйт.
Жекшемби, 15-апрелде, Чүйдө түндө 7…12 градуска чейин жылып, күндүз 19…24 градуска дейре ысыйт.
Таласта түндө 5…10 градус жылуу болсо, күндүз 19…24 градуска чейин көтөрүлөт.
Ош, Жалал-Абад жана Баткен облустарынын дыйканчылык аймактарында түнкүсүн 9…14 градус жылып, күндүз күндүн табы 21…26 градуска чейин жогорулайт.
Ысык-Көлдө түндө 0…5 градуска чейин жылып, күндүз 13…18 градуска чейин жылуу болот.
Нарында болсо түндө 1 градус сууктан 4 градуска чейин жылуу болуп, күндүз 13…18 градуска чейин жетет.
Ал эми дем алыш күндөрү Бишкек менен Ош шаарында да күн ачык болот. Борбор калаада ишембиде түндө 8…10 градуска чейин жылуу болуп, күндүз күндүн табы 25…27 градуска чейин ысыйт. 15-апрелде деле ушундай аба ырайы күтүлөт.
Ош шаарында 14-апрель, ишембиде, түнкүсүн 9…11 градуска чейин жылып, күндүз 25…27 градуска чейин көтөрүлөт.
