БИШКЕК, 4-апр. — Sputnik. Windows операциялык системасы менен башкарылган компьютер ээлеринин бардык файлдарын Google Chrome жашыруун көчүрүп алары аныкталды. Бул тууралуу америкалык Motherboard порталы кибер коопсуздук боюнча адис Келли Шортриджге шилтеме берип жазып чыкты.
Эксперттин айтымында, браузер Chrom Cleanup Tool программасы аркылуу компьютердеги бардык папкаларды, керек болсо "Документтер" деген папканы дагы өзүнө көчүрүп алат. Кызыгы, мунун баары колдонуучуларга айтылбастан жасалып келген. Мындан улам колдонуучулар кооптонуп жатканын айтып, белгилүү интернет программасын колдонуудан баш тартарын жар салышкан.
I was wondering why my Canarytoken (a file folder) was triggering & discovered the culprit was chrome.exe. Turns out @googlechrome quietly began performing AV scans on Windows devices last fall. Wtf m8? This isn’t a system dir, either, it’s in \Documents\ pic.twitter.com/IQZPSVpkz7
— Kelly Shortridge (@swagitda_) 29 марта 2018 г.
Ал эми Google Chrome аталган программа колдонуучулардын маалыматын топтобой турганын, жөн гана файлдарды вируска текшерерин маалымдады.
"Программа жумасына бир эле жолу иштейт жана анын ашкере кеткен функциялары жок", — деп Google Chrome компаниясынын коопсуздук боюнча кызматынын жетекчиси Жастин Шух Twitter тармагына жазып чыкты.
CCT isn't a system-wide scan or filter. It runs weekly, at background priority and normal user privs, for up to 15 mins. It scans browser hijacking points, which may cause it to follow links elsewhere. The engine is a heavily sandboxed subset of ESET. 2/https://t.co/xYl0tNeHEa
— Justin Schuh 😑 (@justinschuh) 1 апреля 2018 г.
Ал браузер колдонуучунун компьютерине зыян алып келе турган программаларды издеп, эгер табылса бул боюнча маалымат берилерин кошумчалады.
