БИШКЕК, 28-мар. — Sputnik. Батыш Казакстанда бөкөндөр кырылып жатканын Sputnik Казакстан "Мой город" порталына шилтеме кылып кабарлады.
Маалыматта 21-22-мартта Акжайык районунун Чапаев айылында күндүн көзү бузулуп, талаа кийиктери — бөкөндөр катаал аба ырайына кабылгандыгы айтылат.
"Күн алгач тез жылып, андан соң кескин сууктап кеткендиктен кардын үстү тоңуп, бөкөндөр оттой албай калган. Эки күн ичинде жети баш сайгак кырылып калды", — деген токой жана мал чарба боюнча инспекциясынын аймактык жетекчиси Кайрат Катешев.
"Мындан сырткары, аймактардагы камыштарга чейинки жалгыз аяк жолдор тапталып, даярдалды. Азыр алар ошол аймакты паанектеп, оттоп жүрүшөт", — деп кошумчалады Катешев.
Порталдын маалыматына караганда облуста жүз миңге чукул бөкөн бар. Алар негизинен Бокей ордо, Казталов жана Жангалин райондорун байырлайт.
