Ал финалда казакстандык Демеу Жадраев менен кез келип кыл чайнашкан беттеш өткөрдү. Махмудов оюндун биринчи бөлүгүндө 7:4 эсеби менен алдыга чыккан. Экинчи бөлүктө казакстандык спортчу активдүүлүгүн көрсөтүп эсеп санын алтыга чыгарды. Бирок кыргыз балбаны намсыты колдон чыгарбай аягында 8:6 эсебинде жеңишти камсыздады.
Махмудов буга чейин биринчи айлампада иорданиялык атаандашы Ахмад Махмуд Ахмед Дахшанды 12:2, экинчи кармашында индиялык каршылашын 8:0 эсебинде утуп алган. Ал эми жарым финалда 7:0 эсеби менен япониялык спортчуну багындырып, финалга жолдомо алган.
