Түштүк Африкада жер талашкан эки кериктин салгылашуусу видеого тартылып алынган. Бул тууралуу РИА Новости агенттиги Daily Mail басылмасына шилтеме кылып жазып чыкты.
Окуя африкадагы эң эски Хлухлуве-Умфолози коругунда болуп, анын видеосу YouTube сайтына жарыяланган. Анда эки керик байырлаган аймагы үчүн салгылашып жатканын көрүүгө болот.
Сүзүшкөн жаныбарларды видеого тарткан гид Тим Браун кериктер кээде гана сүзүшөөрүн, бирок уруш ырайымсыз боло турганын белгилейт. Анын айтымында, эгер мындай кыл-чайнашкан беттештерде жаныбарлардын көлөмү бирдей болсо, алардын биринин өлүмү менен аяктайт.
