Спикер Жумабеков Дамирбек Асылбек уулу боюнча казакстандык кесиптешине кат жолдоду

© Пресс-служба президента КР / Султан ДосалиевЖогорку Кеңештин төрагасы Дастанбек Жумабековдун архивдик сүрөтү
Жогорку Кеңештин төрагасы Дастанбек Жумабековдун архивдик сүрөтү - Sputnik Кыргызстан
Жазылуу
Төрага депутат Дамирбек Асылбек уулунун иши тиешелүү органдары тарабынан мыйзам чегинде иликтенерине ишенерин айтты

БИШКЕК, 21-фев. — Sputnik. Жогорку Кеңештин төрагасы Дастанбек Жумабеков эл өкүлү Дамирбек Асылбек уулунун ишин эл аралык эрежелердин алкагында иликтөөнү суранып, аны ЖК депутаттары менен жолуктурууга көмөк көрсөтүү өтүнүчү менен казакстандык кесиптеши, Мажилистин спикери Нурлан Нигматулинге кат жолдоду. Бул тууралуу Жогорку Кеңештин маалымат кызматынан билдиришти.

Эске салсак, 15-16-февраль күндөрү Казакстандын күч органдары жүргүзгөн операциянын алкагында кармалган адамдардын арасында Кыргызстандын ЖК депутаты Дамирбек Асылбек уулу дагы болгонун ТИМ тастыктаган.

"Казакстандын аймагында кармалган кыргыз жарандарынын, анын ичинде депутат Дамирбек Асылбек уулунун иши тиешелүү органдар тарабынан мыйзам чегинде, адам укуктарын сактоо менен акыйкат иликтенет деп ишенебиз", — деп жазылган катта.

Ошондой эле депутаттын кесиптештери Асылбек уулу социалдык-экономикалык маселелерди парламент трибунасынан байма-бай козгоп, жигердүү иш жүргүзгөн эл өкүлдөрүнүн бири экенин баса белгилешти.

Жаңылыктар түрмөгү
0