БИШКЕК, 20-фев. — Sputnik. Казакстандын президенти Нурсултан Назарбаев казак алфавитин латын тамгаларына которууну бекиткен Жарлыкка өзгөртүү киргизүү боюнча документке кол койду. Бул туурасында Sputnik Казакстан жазды.
Новый вариант казахского алфавита на латинице от 20 февраля 2018 года
© © ОФИЦИАЛЬНЫЙ САЙТ ПРЕЗИДЕНТА РК
Аны менен кошо мамлекет башчы Казакстандын кириллицадан латын арибине өткөн жаңы алфавитин бекитти.
Документ жарыяланган тарта күчүнө кирет.
Буга чейин Казакстан президенти Нурсултан Назарбаев этап-этабы менен 2025-жылга чейин казак тилин латын ариби менен жазууга өткөрүү боюнча Жарлыкка кол койгон. Анын негизинде 2024-2025-жылдары "жергиликтүү аткаруу органдарынын, мамлекеттик жалпыга маалымдоо каражаттары менен басылмалар латынчага этап менен өткөрүлөрү айтылган. Андан сырткары, билим берүү уюмдарынын иш кагаздарын бул графикага көчүрүү каралган.
Аткаминер филологдор, окумуштуу-тилчилер мугалимдер менен элди окута тургандыгын, андан сырткары, бул багытта семинарлар менен лекциялар болорун казак өкмөтү кабарлаган.
Буга чейин Казакстан 2021-жылдан тарта паспортту латына арибинде бере баштаары тууралуу да маалымдалган.
