БИШКЕК, 13-фев. — Sputnik. Анкара полициясынын адеп-ахлак бөлүмүнүн кызматкерлери кыргызстандык кыздарды сойкулукка мажбурлап иштеткен сегиз кишини кармады. Бул тууралуу Haberler басылмасы билдирди.
Маалыматка ылайык, кармалган жарандар Украинадан, Кыргызстан, Түркмөнстан жана Молдовадан кыздарды Түркиядан күйөө же жумуш таап беребиз деп алдап чакырып турушкан.
Келгендердин документтерин алып, сойкулукка мажбурлап иштетишкен. Кармалгандар мындай ыкма менен алты аялды алдаганга жетишкен.
Басылманын жазышынча колго түшкөндөрдүн бирөө сойкулукка азгырган деп буга чейин да жоопкерчиликке тартылган.
