БИШКЕК, 8-фев. — Sputnik. Кыргызстандын мектептериндеги окуу акыркы коңгуроодон кийин дагы уланат. Бул тууралуу Билим берүү жана илим министрлигинен кабарлашты.
7 Бирдин айы 2018, 15:03
Мындай өзгөртүүлөр катуу суукка байланыштуу кышкы каникулдун узартылганына байланыштуу экени айтылат. Жаңы расписаниеге ылайык, окуучулар төмөнкүчө эс алышат:
Жумасына беш күн окугандар — 21-30-март аралыгында эс алышат. Кышында эс алгандыктан 1-марттан 17-мартка чейин ишемби күндөрү окушат.
Жумасына алты күн окугандар — 26-марттан 30-мартка чейин эс алышат. 26-30-май күндөрү сабак өтүлүп, кышкы эс алуудагы күндөр толукталат.
Кыргызстандагы катуу сууктан улам 26-январдан тарта мектептер каникулга тараган, Кийинчерээк эс алуу 3-февралга чейин узартылган.
