БИШКЕК, 29-янв. — Sputnik. Кант диабети же канда каттын көп болушу менен мээнин айрым функцияларынын бузулушу ар дайым бирге жүргөн илдеттер экенин Улуу Британия менен Кытайдын окумуштуулары аныкташты. Бул тууралуу Diabetologia журналына шилтеме берип РИА Новости жазды.
Көрсө, кандагы канттын өлчөмүн көзөмөлдөп туруу — мээге байланыштуу айрым ооруларды алдын алууга шарт түзөт экен.
"Организмдеги канттын өлчөмү менен мээ ооруларынын кандай байланышы бар экенин текшерген иликтөөгө беш миңдөн көбүрөөк кары адамдар катышкан. Алардын салмагы, жашоо образы, башка илдеттери, үй-бүлөлүк абалы, ичимдик жана чыгымга жакындыгы аске алынгандан кийин дагы организминде канты көбүрөөк адамдардын мээсинде айрым функциялар эртерээк бузулары анык болду", — деп айтылат билдирүүдө.
Мындан улам окумуштуулар адам кант диабети менен жабыркабаган күндө деле органимздеги кант менен мээнин функцияларынын байланышы бар деген чечимге келишти.
