БИШКЕК, 30-дек. — Sputnik. Бишкекте жыл жаңырган түнү коомдук транспорт саат бирге чейин иштейт. Бул тууралуу мэриянын маалымат кызматынан билдиришти.
Ал күнкү "Ала-Тоо" аянтындагы майрамдык иш-чаралардын күндүзгү бөлүгү саат 12.00дөн 14.00гө чейин болсо, кечкиси 22.00дөн 00.00гө чейин созулат.
"Шаардын борборунан кичи райондорго жана жаңы конуштарга каттаган маршруттук унаалар түнкү саат бирге чейин катташат", — деп айтылат билдирүүдө.
Ошондой эле шаардыктардын ыңгыйы үчүн Киев көчөсү менен №7, 9, 38, 42 автобустар, №4, 7, 8, 9, 14 троллейбустар каттайт.
