Ак жоолукчан памирлик келин Ширинбү. Макияжга чейин жана андан кийин

© Sputnik / Табылды КадырбековПамирская кыргызска Ширинбу Абдулбаит кызы
Памирская кыргызска Ширинбу Абдулбаит кызы - Sputnik Кыргызстан
Жазылуу
НовостиTelegram
Улуу жана Кичи Памирди жердеген кандаштарыбыздын Кыргызстанга көчүп келгенине эки айга чукулдап калды. Учурда Нарын жергесинде жашап жаткан 41 адамдын сегизи — кыз-келиндер. Бүгүн алардын бири, сырдуу жана уялыңкы жылмайган Ширинбү Абдувахит кызы менен маектешип, кепке тарттык.

Sputnik Кыргызстан алыскы Афганистан аймагындагы Памир тоолорунда өскөн Ширинбүнү окурмандарга башка өңүттө көрсөтүүгө аракет кылды.

Апакай жоолук салып, аны менен катар заманга ылайык, бирок өзүнө туура келген көйнөк кийгизип, макияж койдук.

Ширинбү Абдувахит кызы учурда 18 жашта. Турмушка чыкканына үч ай болду. Күйөөсү Фазылхак Абубакир уулу экөө тең Кичи Памирде туулуп өскөн. Жаш келин үй-бүлөсү, кайындары, атасы менен кошо келген, учурда Нарын шаарында жашайт.

© Sputnik / Табылды КадырбековШиринбү Абдулбаит кызы учурда 18 жашта. Турмушка чыкканына үч ай болду.
Ширинбү Абдулбаит кызы учурда 18 жашта. Турмушка чыкканына үч ай болду. - Sputnik Кыргызстан
1/2
Ширинбү Абдулбаит кызы учурда 18 жашта. Турмушка чыкканына үч ай болду.
© Sputnik / Табылды КадырбековШиринбү билим алууга умтулуп, айылдагы лицейде окуп, тамга таанып жатат.
Ширинбү билим алууга умтулуп, айылдагы лицейде окуп,  тамга таанып жатат. - Sputnik Кыргызстан
2/2
Ширинбү билим алууга умтулуп, айылдагы лицейде окуп, тамга таанып жатат.
1/2
Ширинбү Абдулбаит кызы учурда 18 жашта. Турмушка чыкканына үч ай болду.
2/2
Ширинбү билим алууга умтулуп, айылдагы лицейде окуп, тамга таанып жатат.

Ширин башкалары менен ошол айылдагы лицейде билим алып, ариптерди таанып жаткан кези. Ал эми кожойке катары кыргызстандыктардын ашканасын өздөштүрө баштагандыгын айтты.

"Салаттарды, манты, бешбармак жасайм. Боткону жана гречкадан тамак жасаганды үйрөндүм. Памирде колго жууйт элек. Азыр кирди машинеге салып коём", — деди Ширинбү.

Ал Кыргызстан, Нарын жаккандыгын, жашоо-шарттын жакшылыгын, климат жумшак экендигин айтып отурду.

Памирлик келиндин макияжга чейин жана андан кийин тартылган видеосу - Sputnik Кыргызстан
Памирлик келиндин макияжга чейин жана андан кийин тартылган видеосу
Анткен менен биздин памирлик бул келин туулуп өскөн жерин, курбуларын сагынып жаткандыгын жашырган жок.

"Кыздарды, сиңдилеримди, жеңелеримди улам эстеп коюп жүрөм. Алар менен сүйлөшкөн бир кызык эле. Бирге сууга барып, бирге топоз сааган, торпок байлаган учурларды сагындым", — деди ал.

Биздин каарман ооз комузда ойноп жана бир нече күүлөрдү черте аларын айтып берди.

"Ооз комузда ойнош оңой эмес. Жеңелерим менен сууга барганда же эч ким жок болгондо, аялдар өзүбүз калганда ээн-эркин отуруп алып, кагат элек", — деп эстеди Ширинбү.

Ширинбүгө кийимдерди Замира Молдошеванын Мода үйү тандап жана анын "Люкс" сулуулук салонунун визажисттери иштеди.

Памирлик келин Ширинбүнүн макияжга чейин жана андан кийинки тартылган видеосун Sputnik Кыргызстан агенттиги даярдаган материалдан көрсөңүз болот>>

Жаңылыктар түрмөгү
0