20 Бештин айы 2017, 00:13
Имараттын ичиндеги окуяны каналдын журналисттери видеого тартып алган. Тасмадан күч кызматкерлерин да көрүүгө болот. Ошондой эле сот аткаруучулардын колундагы документте НТСтин ишмердигин токтотуп, мүлкүн камакка алуу тууралуу жазылганын каналдын кызматкери Каныбек Асанкары уулу окуду.
Телеканалдын башкы директору Жайнак Үсөн уулу окуя менен толук таанышкандан кийин толугураак маалымат берерин Sputnik Кыргызстан агенттигинин кабарчысына билдирди.
Ал эми Бишкек шаардык ИИБдин маалымат кызматы милиционерлер коомдук тартипти сактоо үчүн окуя болгон жерде экенин, ал эми имаратты курчоого алды деген маалымат чындыкка жатпай турганын билдирди.
