БИШКЕК, 17-дек. — Sputnik. Азербайжандык атактуу ырчы жана композитор Араз Элсес өлкөнүн экс-президенти Алмазбек Атамбаевдин "Кыргызстаным" аттуу чыгарамасын кыргыз тилинде ырдап чыкты.
Музыкалык клип ырчынын өздүк сайтына жана YouTube каналына жайгаштырылган. Ошондой эле Facebook баракчасына да жүктөлгөн.
"Сиздерге ушул жылы жай айында Кыргызстандан тартылган клибимди тартуулайм. Сиздерге жагат деген ойдомун. Клиптин астында субтитр түрк тилинде жызылган" — деп жазган Facebook баракчасына.
Аталган клип Ысык-Көлдүн жээгинен, Жети-Өгүздөн, ошондой эле Кыргызстандын тарыхый жана ажайып жерлеринен тартылган.
"Кыргызстаным" — Алмазбек Атамбаевдин кыргыз тилинде аткарган алгачкы чыгармасы. Ал бул ырга клип тарттырып, өткөн жылы 17-сентябрда туулган күнүндө жарыялаган.
Араз Элсес Түштүк Азербайжандын Сулдуз уездинде төрөлгөн. 1997-жылдан бери Норвегияда жашайт.
