Ажыбек уулу: мультфильмдеги каармандардын мүнөзүн ачып берүү оңой эмес
Мультфильмдеги каармандардын мүнөзүн ачып берүү оңой эмес. Бул тууралуу Эмир Ажыбек уулу Sputnik Кыргызстан радиосуна маек куруп жатып билдирди.
Эске сала кетсек, Кыргызстанда алгачкы ирет 3D мультфильми тартылууда.
"Учурда "Карагул" мультфильмин тартуу иштери жүрүп жатат. Күн-түн дебей иштөөгө туура келүүдө. Эң кыйыны каармандардын мүнөзүн чагылдыруу. Эгерде мүнөзү чыкпай калса эмоциясы жок, жандуу болбой калат. Ошондуктан сүрөтчү каармандын көз карашын тарта билиши керек", — деди Ажыбек уулу.
Ал аталган мультфильмдеги каармандардын образын жаратууга манасчылар жардам берип жаткандыгын кошумчалады.
