Бектур уулу: "Карагул" мультфильминин үстүнөн күнү-түнү иштеп жатабыз
"Карагул" мультфильминин үстүнөн күнү-түнү иштеп жатабыз. Бул тууралуу Бектур уулу Барсбек Sputnik Кыргызстан радиосуна маек куруп жатып билдирди.
Эске сала кетсек, "Телегей" компаниясы учурда Кыргызстанда биринчи ирет 3D мультфильмин тартууда.
"Бала кезден эле мультфильм тартууну кыялданчумун. Бирок бизде бул нерсени үйрөткөн окуу жайлар жок. Ошондуктан өзүбүз интернеттен эле үйрөндүк. Учурда "Карагул" аттуу мультфильм тартып жатабыз. Ачыгын айтканда түнү менен иштеген күндөрүбүз болууда. Бул мультфильмди тартууга "Саякбай манасчы" фондусу демөөрчүлүк кылып жатат", — деди Бектур уулу.
Ал учурда каармандардын сүрөттөрү тартылып жаткандыгын кошумчалады.
