БИШКЕК, 12-дек. — Sputnik. Классташтары тарабынан шылдыңга алынган америкалык окуучу Китон Жонсту Голливуд жылдыздары колдоого алышты. Бул тууралуу Billboard журналы жазып чыкты.
Жуманын башында социалдык тармактарга видео тараган, анда теннесилик өспүрүм көзүнө жаш толтура анын мурдунун формасын окуучулар шылдыңга алып, башына сүт төгүп, нан менен ургандарын билдирген.
Видеону анын апасы унаасынын ичинен тарткан — өспүрүм түштөнүүгө баруудан баш тартып, классташтарынын алдында кайрадан шылдыңга кабылуудан коркуп жаткан. Бул видео роликти эки күндүн ичинде эле 24 миллион адам көрдү.
Баланын муңу көптөгөн Голливуд жылдыздары менен саясатчылардын көңүлүн буруп, рэпер Снуп Догг, поп аткаруучу Жастин Бибер, ырчы Кэти Перри, актер Крис Эванс жана кичүү Дональд Трамп тарабынан колдоо тапты.
Снуп Догг Китон ар качан ага таяна аларын жазган.
"Кичинекей иним, мен сенин түбөлүк досуңмун. Жеке баракчама жазып койчу. Сүйүү гана жек көрүү сезимин жеңе алат", — деп өзүнүн Instagram баракчасына жазган.
Актер Крис Эванс окуучуну апасы менен кошо келерки жылы боло турган "Мстители" тасмасынын бет ачарына чакырган.
Stay strong, Keaton. Don’t let them make you turn cold. I promise it gets better. While those punks at your school are deciding what kind of people they want to be in this world, how would you and your mom like to come to the Avengers premiere in LA next year? https://t.co/s1QwCQ3toi
— Chris Evans (@ChrisEvans) 10 декабря 2017 г.
"Китон, сен күчтүү болушуң керек. Алардын айынан ачуулуу адам болбогонго аракет жаса. Сөз берем баары жакшы болот", — деп актер билдирген.
Ал эми кичүү Дональд Трамп Китон менен анын үй-бүлөсүн конокко чакырып, Трамптардын үйүндө канча кааласа ошончо жашай ала тургандыгын кошумчалаган.
This boy is incredibly brave and the video really got to me. @danawhite, If he takes you up on your offer to see UFC Headquarters, I would be honored to host him and his family at our place if they need somewhere to stay. https://t.co/EWx05o0yI0
— Donald Trump Jr. (@DonaldJTrumpJr) 11 декабря 2017 г.
Ошондой эле социалдык тармакта Китонду колдоо үчүн #StandwithKeaton хэштеги менен флешмоб уюштурулду.
